Lofthus sentrum - midt i ein frukthage.
Lofthus er ei vakker lita fruktbygd på austsida av Hardangerfjorden. Lofthus sentrum har butikk, kiosk, frisør, kino, treningsstudio, lækjar, tannlækjar, pub, kyrkje ++. Mange i bygda har tilknyting til fruktnæring. Her finn vi det største fruktlageret i Noreg og Planteforsk som er eit nasjonalt senter for forsking på frukt og bær. Den største arbeidsplassen i bygda er Hotell Ullensvang. Her tilbyr dei bowling, squash, symjebasseng, solarium og tennishall for den som kjem på besøk. Like ved folkehøgskulen er det ei stor kunstgrasbane der det lokal 5. divisjonslaget, IL Harding , spelar sine heimekampar. I klubbhuset er det ein innandørs miniatyrskytebane og når snøen kjem vert det laga skispor i lysløypa som ligg nær skulen.
Utsikt innover fjorden mot Folgefonna.
I lia opp frå Lofthus går ein av dei gamle ferdslevegane over fjellet. Når du kjem opp på kanten er du på Hardangervidda, eit av dei flottaste høgfjellsområda i landet. Her opnar det seg fantastiske turområde med toppar, fiskevatn, jaktterreng og enorme vidder innover fjellet.
Frå kanten av Hardangervidda - fossen Skrikjo.