Internata er sosiale arenaer på skulen. Her er koselege dobbeltrom kor du skal bu med din nye venn, og elevstover med kjøkenkrok. Her er det person – og interessemangfold og det vert utvikla sterkt samhald mellom dei som bur der.
Her foregår det pizzalaging, kakebaking, kaffikoking medan andre ser film og diskuterer, eller speler kort og syng. Samtidig finn du elevar som jobbar med faglege spørsmål. Kort sagt er internatet eit yrande liv av personar som skal setja preg på livet ditt dette året.
På internatet vil du gjennom året utvikla evnene dine i forhold til å ta omsyn til andre, vera hjelpsom og tolmodig.
Vi har 3 internat; eit ligg på toppen av sjølve skulebygningen, eit anna ligg like bak skulebygningen medan det tredje ligg like framfor. Eit av internata har innlagt dusj og toalett på romma. På dei to andre må ein dele dusj og toalett med dei andre bebuarane. Det bur både gutar og jenter på same internat. Internata har frå 12 til 16 rom og har flott utsikt mot Hardangerfjorden og Folgefonna.
Kvart internat har sine internatmøter kor ein tar opp spørsmål omkring det å bu saman.Det blir alltid utfordrande situasjonar som ein må ta tak i
slik at internatlivet blir bra for alle.
Internata har også uhøgtidelege konkurransar seg imellom, såkalte internatleikar. Tre gongar i året konkurrerer internata i kappestrid. Vi har leikar både haust og vår, samt dei store vinterleikane under opphaldet på Liseth. Fantastisk moro!
Frå internatromma på Gutabygget. Som du ser, med eit lite men delikat bad.
Slik ser romma ut på Hovedbygget. ( biletet til venstre ) Og romma på Primula ser slik ut.